Ўзбекистон адлия вазирининг Маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси Шаҳноза Соатова Telegram’даги каналида танишлари ва қариндошлари орасида COVID-19 аломатларига эга беморлар касалликдан вафот этгани, аммо улар расмий статистикага киритилмаганини танқид қилди.
Охирги уч кунда қариндош-у танишлардан тўрт киши вафот этди. Умримда бунақа кичик фурсатда кўп ўлик хабарини эшитмагандим. Уларнинг биронтасига COVID-19 ташхиси қўйилмади, ҳатто улардан тест ҳам олинмади. Лекин ўлим олдидан барчасининг бир ҳафта, ўн кун иситмаси чиқди, беҳол бўлди, COVID-19’нинг у ёки бу симптомлари кузатилди.Эслатиб ўтамиз, Шаҳноза Соатова 11 июлда ўзида коронавирус белгилари кузатилаётган бўлса-да, тест топшира олмаётганини маълум қилган. 17 июлда пневмониядан қандай даволанаётганини айтиб берганди. 20 июлда Шаҳноза Соатова коронавирусга қарши курашаётган тиббиёт ходимларига миннатдорлик изҳор этган.Бу тизимли ҳодисалар хулосаси нима? Одамлар нега, нима сабабдан бундай кўп ўляпти? Нега бунақа тез (10-12 кун ичида) ўляпти? COVID-19 бўлмаса, нима бу? Нега COVID-19 ташхиси фақат тест натижаларига қараб қўйиляпти? COVID-19’дан 100 та одам ўлди деган нима-ю, 1000 та ўлди деган нима?
Қўшниларга ўхшаб COVID-19 ва номаълум пневмония статистикасини бирлаштириб, бундан кейинги стратегияни шунга қараб қурган маъқул эмасми? Ваҳимасиз карантиндан адекват карантин босқичига ўтиш даври келди, чунки энди маълумотсизлик ва ишончсизлик ортидан ваҳима келиб чиқади.
Одамлар карантинга риоя этиб, уйда ўтиришини, карантин чекловларини тўғри қабул қилишини истасак, асл аҳволни кўрсатиш, ўлимлар COVID-19’данми ё бошқа нарсаданми, қатъи назар, аниқ ва очиқ айтиш керак.
Кайфият жуда тушиб кетди!
Шаҳноза Соатова, адлия вазирининг маслаҳатчиси
Изоҳ (0)