Ўзбекистонда 2020 йил 10 июль соат 23:30 ҳолатига кўра, коронавирус инфекцияси қайд этилган одамлар сони 170 кишига кўпайиб, 12 027 нафарга етди. Бу ҳақда Соғлиқни сақлаш вазирлиги хабар берди.

Янги касалланиш ҳолатларининг

  • 99 таси карантин марказидаги фуқаролар (барчаси хориждан келган) орасида;
  • 24 таси Тошкент шаҳрида аҳоли орасида;
  • 24 таси Наманган вилоятида (шундан 18 таси коронавирусга чалинганлар билан мулоқотда бўлиб, карантинга олинган фуқаролар орасида, 6 таси аҳоли орасида);
  • 16 таси Қорақалпоғистонда (шундан 9 таси коронавирусга чалинганлар билан мулоқотда бўлиб, карантинга олинган фуқаролар орасида, 7 таси аҳоли орасида);
  • 6 таси Жиззах вилоятида аҳоли орасида;
  • 1 таси Фарғона вилоятида аҳоли орасида аниқланган.

10 июль кун давомида Тошкент шаҳридаги тиббиёт муассасаларида 166 нафар, Сурхондарё вилоятида 38 нафар, Қорақалпоғистонда 16 нафар, Навоий вилоятида 11 нафар, Хоразм ва Бухоро вилоятларида 6 нафардан, жами 243 нафар бемор инфекциядан тузалган. Ўзбекистонда жами 7530 нафар коронавирус инфекциясига чалинган фуқаро (62 фоиз) соғайган.

4443 нафар беморга белгиланган стандартлар бўйича даво чоралари кўрилмоқда, дейилади ССВ хабарида.

Аввал Ўзбекистонда коронавирус инфекцияси қайд этилган беморлар сони 134 кишига кўпайгани ва 11 857 нафарни ташкил этгани хабар қилинганди.

Эпидемия бошланганидан бери касаллик оқибатида вафот этган беморлар сони эса 54 нафарга етган. Вафот этганларнинг энг ёши 28 да (жиззахлик М.О. исмли аёл), энг кекса ёшлиси эса Тошкентда яшовчи 86 ёшли З.Р. исмли аёл бўлган.