АОКА ҳузуридаги штабда бўлиб ўтган брифингда Санитария-эпидемиология назорати давлат инспекцияси бош инспектори Нурмат Отабеков коронавирус инфекцияси тарқалишига қарши профилактик тадбирлар тўғрисида маълумот берди. Жумладан, давлат органлари, ташкилот ва корхоналарга тавсия этилган ташкилий-техник ва бошқа тадбирлар режасини ўқиб эшиттирди:
- гавжум жойлар (назорат пункти, ошхона, ҳожатхона, касса олдида, бозорлар, супермаркетларнинг савдо майдончалари ва ҳоказо) полга «масофавий белги» чизиш;
- ходимлар ўртасида, шунингдек, ишчилар ва мижозлар ўртасида ижтимоий масофани сақлаб қолишнинг иложи бўлмаганда ҳимоя ойналари ўрнатиш;
- ҳарорати юқорилиги аниқланганларни ёки ўткир респиратор вирусли инфекциянинг аломатлари аниқланганда уни ишчилар гуруҳидан ажратиш мақсадида тиббий изоляторни ташкил этиш;
- кийиниш хоналарида кийимларни сақлаш жойлари сони ишчилар сонига мос келиши. Кийим хоналарида кийимни сақлаш усули ёпиқ бўлиши, кўча ва иш кийимларини алоҳида сақлаш.
- ишни бошлашдан олдин корхона, муассаса, ташкилот раҳбарлари (мансабдор шахслари) жамоага коронавирус инфекциясининг олдини олиш қоидалари ва ходимнинг соғлиғи ёмонлашганда, унга нисбатан жиноий жавобгарликкача бўлган таъсир чораларини қўллаш мумкинлиги ҳақида огоҳлантириши;
- иш берувчи ишчида ходимда коронавирус инфекциясининг белгилари COVID-19 (ЎРВИ) аниқланган тақдирда ходимлар/ходималарни хабардор қилиши;
- ходимларни хизмат сафарларига юборишни чеклаш;
- хавф гуруҳидаги ёши 65 дан ошган ходимлар, шунингдек, сурункали касалликлари бўлганлар, иммунитети пасайганлар ҳамда ҳомиладор аёлларни коронавирус инфекциясини карантин даврида ўз-ўзини изоляция қилиш режимига ёки масофавий ишлаш тартибига ўтказиш;
- агар корхона ёки ташкилотнинг бирон бир ходимида қуруқ йўтал, иситма, ҳолсизлик ва шунга ўхшаш клиник белгилар аниқланса, дарҳол «103» рақамига қўнғироқ қилиш.
Изоҳ (0)