O‘zbekistonda 2020-yil 10-iyul soat 23:30 holatiga ko‘ra, koronavirus infeksiyasi qayd etilgan odamlar soni 170 kishiga ko‘payib, 12 027 nafarga yetdi. Bu haqda Sog‘liqni saqlash vazirligi xabar berdi.

Yangi kasallanish holatlarining

• 99 tasi karantin markazidagi fuqarolar (barchasi xorijdan kelgan) orasida;
• 24 tasi Toshkent shahrida aholi orasida;
• 24 tasi Namangan viloyatida (shundan 18 tasi koronavirusga chalinganlar bilan muloqotda bo‘lib, karantinga olingan fuqarolar orasida, 6 tasi aholi orasida);
• 16 tasi Qoraqalpog‘istonda (shundan 9 tasi koronavirusga chalinganlar bilan muloqotda bo‘lib, karantinga olingan fuqarolar orasida, 7 tasi aholi orasida);
• 6 tasi Jizzax viloyatida aholi orasida;
• 1 tasi Farg‘ona viloyatida aholi orasida aniqlangan.

10-iyul kun davomida Toshkent shahridagi tibbiyot muassasalarida 166 nafar, Surxondaryo viloyatida 38 nafar, Qoraqalpog‘istonda 16 nafar, Navoiy viloyatida 11 nafar, Xorazm va Buxoro viloyatlarida 6 nafardan, jami 243 nafar bemor infeksiyadan tuzalgan. O‘zbekistonda jami 7530 nafar koronavirus infeksiyasiga chalingan fuqaro (62 foiz) sog‘aygan.

4443 nafar bemorga belgilangan standartlar bo‘yicha davo choralari ko‘rilmoqda, deyiladi SSV xabarida.

Avval O‘zbekistonda koronavirus infeksiyasi qayd etilgan bemorlar soni 134 kishiga ko‘paygani va 11 857 nafarni tashkil etgani xabar qilingandi.

Epidemiya boshlanganidan beri kasallik oqibatida vafot etgan bemorlar soni esa 54 nafarga yetgan. Vafot etganlarning eng yoshi 28 da (jizzaxlik M.O. ismli ayol), eng keksa yoshlisi esa Toshkentda yashovchi 86 yoshli Z.R. ismli ayol bo‘lgan.