Давлат органлари ва бошқа ташкилотлар, тадбиркорлик субъектларига коронавирус инфекциясининг ташқаридан кириб келишига йўл қўймаслик учун тадбирлар режаси тасдиқланди. Бу ҳақда АОКАда ўтган брифингда Санитария-эпидемиология назорати давлат инспекцияси бош инспектори Нурмат Отабеков маълум қилди.
Чора-тадбирлар режасига мувофиқ қуйидаги талаб ва тавсиялар берилди:
- Ходимларни ишхонага олиб келиш учун автобус, микроавтобуслар ва енгил автомашиналардан фойдаланиш. Ишчи ходимлар транспорт воситасига чиққанида юз ниқоблари алмаштирилиб, тушаётганда яна янгиси бериш. Ишчи-ходимлар туширилгандан сўнг транспорт ичи дезинфекция қилиниб 0,5 соатга ёпиш;
- Ҳар куни ишхонага киритишдан олдин тана ҳароратини контактсиз пирометр ёки шу кабилар ёрдамида ўлчаш, тана ҳарорати кўтарилганлиги ва/ёки юқумли касаллик белгилари намоён бўлиб турган ишчиларни ишга қўймаслик;
- Ишчининг саломатлиги ҳолатини текшириш, унинг мулоқотдагилари тўғрисида маълумот тўплаш, унинг бошқа беморлар ёки эпидемиологик нохуш ҳудудлардан (мамлакат, республика, вилоят, туманлар) ташриф буюрган шахслар билан мулоқотда бўлганлигига аниқлик киритиш, бунинг учун алоҳида жавобгар шахс белгилаш;
- Ишхонага кириш жойига тери антисептиклари билан ишлов бериш ускунасини (дозаторли ускуна, намли салфеткалар ва шу кабилар) ўрнатиш. Шунингдек, пиёдалар учун «дезтўшама»лар, транспортлар учун «дезтўсиқ»лар ташкил этиш;
- Ташкилотга четдан шахсларни киришига йўл қўймаслик;
- Ташкилотга кириш/чиқиш қисмида одамларни тўпланиб қолишига йўл қўймаслик;
- Курьерлик хизматини, корроспендентлик ҳужжатларини қабул қилишни контактсиз амалга оширилишига қаратилган услубларни жорий этиш.
Изоҳ (0)