АОКАда 10 июль куни ўтказилган брифингда Вазирлар Маҳкамаси ҳузуридаги санитария-эпидемиология назорати давлат инспекцияси бош инспектори Нурмат Отабеков Ўзбекистонда коронавирус билан боғлиқ вазият бўйича ахборот берди.
Жумладан, ахборотда мавжуд вирусологик лабораторияларда охирги бир кунда 17 785 та, эпидемиологик мавсум давомида 1,377,915 та тест синовлари ўтказилгани қайд этилган.
Шу кунгача Ўзбекистонда жами 11 723 нафар беморда коронавирус инфекцияси рўйхатга олинган, ҳозирги кунгача 7 287 нафар (62 фоиз) беморлар бутунлай соғайди, 4 384 нафар беморлар даволанмоқда.Даволанаётган 4 384 нафар беморлар ҳолати:
- 10 нафари – ўта оғир;
- 42 нафари – оғир;
- 295 нафари – ўрта оғир;
- 4036 нафари – қониқарли ҳолатда.
Эслатиб ўтамиз, 9 июлда Ўзбекистонда 472 ҳолатда касаллик қайд этилган. Шундан 275 нафари карантин муассасаларида, 190 нафари аҳоли орасида, 7 нафари эса халқаро юк ташувчи автомашина ҳайдовчилари орасида аниқланган.
Мавзуга доир:
Изоҳ (0)