Фарғонада ёқилғи қуйиш шохобчаси эгаси бесабаб калтакланди
Фарғона вилояти Ўзбекистон туманида 3 киши туманда жойлашган АЁҚШ эгасини бесабаб калтаклаши оқибатида жиноий иш очилди, дея хабар беради ИИВ ҳузуридаги Тергов департаменти.
Қайд этилишича, 2020 йилнинг 4 июль куни соат 20:30 да 21 ёшли Х.Ш., 24 ёшли Б.Р. ва Ж.Ш. гуруҳ бўлиб, жамиятда юриш-туриш қоидаларини қасддан менсимасдан, Ўзбекистон тумани Дўстларобод қишлоғида жойлашган 38 ёшли Ш.Ф.га тегишли бўлган АЙҚоШга келади. Улар ҳеч бир сабабсиз фуқаро Ш.Ф. дўппослаб, ҳодиса жойидан яширинади.
Натижада тан жароҳати олган Ш.Ф. туман тиббиёт бирлашмасига мурожаат қилган.
Мазкур ҳолат юзасидан Ўзбекистон туман ИИБ ҳузуридаги Тергов бўлими томонидан Жиноят кодексининг 277-моддаси 2-қисми «в» банди (Безорилик) билан жиноят иши қўзғатилган. Иштирокчилар гумон қилинувчи тариқасида жалб қилинган ва процессуал тартибда ушланган.
Ҳозирда суриштирув ҳаракатлари давом эттирилмоқда.
Мавзуга доир:
