Farg‘ona viloyati O‘zbekiston tumanida 3 kishi tumanda joylashgan AYoQSh egasini besabab kaltaklashi oqibatida jinoiy ish ochildi, deya xabar beradi IIV huzuridagi Tergov departamenti.
Qayd etilishicha, 2020-yilning 4-iyul kuni soat 20:30 da 21 yoshli X.Sh., 24 yoshli B.R. va J.Sh. guruh bo‘lib, jamiyatda yurish-turish qoidalarini qasddan mensimasdan, O‘zbekiston tumani Do‘stlarobod qishlog‘ida joylashgan 38 yoshli Sh.F.ga tegishli bo‘lgan AYQoShga keladi. Ular hech bir sababsiz fuqaro Sh.F. do‘pposlab, hodisa joyidan yashirinadi.
Mavzuga doir: Buxoroda o‘zaro janjallashayotgan fuqarolarni ajratmoqchi bo‘lgan ayolning o‘zi kaltaklandi
Mazkur holat yuzasidan O‘zbekiston tuman IIB huzuridagi Tergov bo‘limi tomonidan Jinoyat kodeksining 277-moddasi 2-qismi “v” bandi (Bezorilik) bilan jinoyat ishi qo‘zg‘atilgan. Ishtirokchilar gumon qilinuvchi tariqasida jalb qilingan va protsessual tartibda ushlangan.
Hozirda surishtiruv harakatlari davom ettirilmoqda.
Izoh (0)