Бельгияда 3D-принтер ёрдамида икки қаватли уй яратилди (видео)

Бельгиялик мутахассислар 3D-принтер ёрдамида икки қаватли уйни қуришга муваффақ бўлди, деб хабар беради TCh канали.

Мазкур иншоот 3D технологияси ёрдамида яратилган дунёдаги энг йирик икки қаватли уй ҳисобланади. Уни яратиш учун 8 соатли сменада 15 кун давомида иш олиб борилган бўлиб, бино 90 квадрат метр жойни эгаллаган.

Уйнинг барча деворлари бетондан ишланган ва улар техника ёрдамида автоматик равишда кўтарилган.

Стандарт технологиялар ёрдамида қурилган шу турдаги уйлар нархи 100 минг евро туради. 3D ёрдамида яратилган уй эса икки баробар арзонга тушади, бироқ автоматнинг нархининг ўзи 300 минг еврони ташкил этади. Эътиборли жиҳати, принтерни ёш бола ҳам ишлата олиши мумкин.

Эслатиб ўтамиз, 2019 йилда Хитойда 3D-принтер ёрдамида 500 метрли девор чоп этилган эди.