Xiaomi компанияси Mijia брендидаги «ақлли» уйи учун маҳсулотлар линейкасини ривожлантиришда давом этмоқда. Бу сафар Хитой ишлаб чиқарувчиси Mijia Capsule Coffee Machine номли капсула қаҳва машинасини яратиш учун краудфандинг кампаниясини эълон қилди, деб хабар беради Gizmochina.
Xiaomi баёнотида айтилишича, Mijia Capsule Coffee Machine ёрдамида битта тугмани босиш орқали яхши қаҳва тайёрлаш мумкин. Қурилманинг ташқи кўриниши минимализм дизайнига эга бўлиб, корпус тўлиқ оқ рангда ишланган.
Қаҳва машинаси ҳақида батафсил маълумотлар келтирилмаган. Асосий маълумотлар 8 июль куни краудфандинг кампанияси бошланганидан сўнг эълон қилинади. Қурилма Mijia линейкасига тегишли бўлгани сабаб у Xiaomi «ақлли» уйининг экотизими билан интеграллашади. Яъни у камида смартфон ёрдамида қўллаб-қувватланиш функциясига эга бўлади.
Маблағларни йиғиш вақтида қурилмани 349 юанга (49 доллар) буюртма қилиш мумкин. Маблағ йиғиш расман эълон қилингач, қаҳва машинасининг нархи 399 юанга чиқади (56 доллар).
Эслатиб ўтамиз, май ойининг охирларида Xiaomi жамоавий молиялаштириш платформаси орқали Smart Lock E «ақлли» қулфини 126 доллардан тақдим этганди. Икки кун ичида қулф учун йиғилган маблағлар компания кутганидан 1000 фоизга ошиб кетган.
Изоҳ (0)