Arxitektura: 3D-printer yordamida qurilgan jahondagi eng uzun beton ko‘prik

Pekindagi Sinxua universitetining Arxitektura maktabi jamoasi 3D-bosma usuli yordamida uzunligi 26,3 metrga teng beton ko‘prik bunyod etdi. Loyiha mualliflarining so‘zlariga ko‘ra, bu shu turga oid jahondagi eng uzun ko‘prikdir.

Ko‘prik Shanxaydagi kanalning ikki qirg‘og‘ini birlashtiradi, uning eni 3,6 metr. U 176 ta beton blokdan iborat bo‘lib, ushbu bloklarni chop etish uchun 450 soat vaqt ketgan. Ayni vaqtda, ko‘prik betonning vaqt o‘tishi bilan buzilishini kuzatib borish imkonini beruvchi monitoring tizimiga ham ega.

E’tiborga molik tomoni, bunday ko‘prik an’anaviy usulda bunyod etilgan ko‘prikdan kamida 30 foizga arzonga tushadi.

Ko‘prikning arka shaklidagi ko‘rinishi Chjaosyandagi 1400 yillik tosh ko‘prikdan ilhomlanib ishlangan, biroq u qurilish sohasida tobora ko‘p foydalanib borilayotgan yangi texnologiya sari tashlangan qadam ramzi hamdir.