Xiaomi Youpin интернет дўконининг краудфандинг майдончасида қизиқарли янгилик — бармоқ изи сканерига эга блокнот пайдо бўлди. Мазкур блокнот ўз қўлёзмалари бошқалар қўлига тушишини хоҳламаганлар учун мўлжалланган.
Блокнотни очиш учун бармоқни ён томонда жойлашган дактилоскопик датчикка тегизиш ва қисқа вибрацияни кутиш лозим. Блокнотни блокдан чиқариш учун 0,5 сония талаб этилади, унинг ичига 160 мА/соат сиғимга эга аккумулятор ўрнатилган бўлиб, ишлаб чиқарувчининг сўзларига кўра, бир марталик қувват икки ойга етади.
Шунингдек, блокнот ичидан ручка, карта ёки қайдлар учун қўшимча жойлар мавжуд. Оппоқ варақлар тугагач, муқовани янги варақларга эга бошқа блокнотга кўчириш мумкин.
Ушбу блокнотнинг иккита версияси сотувга чиқарилади: яшил ва кул ранг. Нархи — Хитойда 43 доллар.
Аввалроқ Xiaomi қаҳвани хуш кўрувчилар учун «ақлли» гаджетни краудфандинг платформаси орқали тақдим этгани тўғрисида хабар берилганди.
Мавзуга доир:
Изоҳ (0)