Бугун,

  • USD 11095.31
  • RUB 173.84
  • EUR 10772.44

Футбол бўйича Италия А Сериясининг 31-турида «Милан» ва «Ювентус» жамоалари ўзаро баҳс юритди.

Фото: Twitter

Фото: Twitter

Учрашувнинг биринчи бўлимида майдонда тактик кураш кечди ва танаффусга қадар ҳисоб очилмади. Иккинчи бўлимда эса жамоалар олтита гол уришга муаваффақ бўлди.

Дастлаб туринликлар Адриен Рабьо ва Криштиану Роналдунинг голларидан кейин олдинга ўтиб олди. Бироқ миланликлар бунга тўртта гол билан жавоб қайтарди.

62-дақиқада Златан Ибрагимович пенальтини аниқ ижро этиб, ҳисобни тенглаштирди. 66-дақиқада Франк Кессиэ «Ювентус» ҳимоячиларини доғда қолдириб, мувозанатни тиклади. Орадан бир дақиқа ўтар-ўтмас Рафаэл Леау мезбонларнинг учинчи голига муаллиф бўлди. 80-дақиқада меҳмонлар яна ҳимояда хатога йўл қўйди ва бундан Анте Ребич унумли фойдаланди — 4:2.

Ушбу ғалабадан сўнг «Милан» очколарини 49 тага етказиб олди ва 5-ўринга кўтарилди. «Ювентус» эса 75 очко билан пешқадамликни сақлаб турибди.

Иккинчи ўриндаги «Лацио» (68 очко) сафарда «Лечче»га ютқазиб қўйди ва туринликлар билан ўртадаги фарқни қисқартириш имкониятини кўкка совурди.

А Серия

31-тур баҳслари

7 июль, сешанба

«Милан» — «Ювентус» 4:2

Голлар: 0:1 – 47 Рабьо, 0:2 – 53 Роналду, 1:2 – 62, пенальти Ибрагимович, 2:2 – 66 Кессиэ, 3:2 – 67 Рафаэл Леау, 4:2 – 80 Ребич.

«Милан»: Доннарумма, Кер, Тео, Конти (Калабрия, 82), Романьоли, Беннасер, Салемакерс (Рафаэл Леау, 60), Лукас Пакета (Чалхонўғлу, 46), Кессиэ, Ибрагимович (Бонавентура, 67), Ребич (Крунич, 82).

«Ювентус»: Шенсни, Ругани, Бонуччи, Данило, Рабьо (Матюиди, 69), Куадрадо (Алекс Сандро, 77), Пьянич (Рэмзи, 69), Бентанкур (Мураторе, 90), Бернардески, Игуаин (Дуглас Коста, 69), Роналду.

Огоҳлантиришлар: Лукас Пакета (31), Беннасер (36), Ребич (59), Бонуччи (62), Конти (73).

«Лечче» — «Лацио» 2:1

Голлар: 0:1 – 5 Кайседо, 1:1 – 30 ал-Бабакар, 2:1 – 47 Лучони.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!

Изоҳ
Асосий янгиликлар
Дунё
Қозоғистон пойтахтида намойишлар бўлиб ўтмоқда (видео)
Маҳаллий
Қорақалпоғистонда ЙПХ ходими радар ўрнатилган машинасида таксичилик қилгани айтилмоқда (видео)
Спорт
Искандаров — энг яхши футболчи, Кападзе — энг яхши мураббий. Ўзбек футболида 2022 йилнинг энг яхшилари аниқланган маросимдан фоторепортаж