Футбол бўйича Ўзбекистон Coca-Cola Суперлигасининг 8-тури доирасидаги марказий ўйин 7 июль, сешанба куни «Бунёдкор» ва «Навбаҳор» жамоалари ўртасида кечди.
Тошкентдаги «Бунёдкор» стадионида кечган баҳсда Вадим Абрамов шогирдларининг қўли баланд келди.
Учрашувнинг 25-дақиқасида Дилшод Аҳмадалиев узоқ масофадан аниқ зарба йўллаб, майдон эгаларини олдинга олиб чиқди. Орадан уч дақиқа ўтиб Ўткир Юсупов Шаҳбоз Эркиновнинг жарима майдони ташқарисидан йўллаган зарбасини ўтказиб юборди.
57-дақиқада меҳмонлар жавоб тўпини киритишга эришди, Игор Голбан Азим Аҳмедов томонидан узатилган тўпни дарвозага тўғирлаб қўйди. Ўйин якунланиши арафасида «Бунёдкор»нинг туркманистонлик легионери Селим Нурмуродов ҳужумни муваффақиятли якунлаб, якуний ҳисобни ўрнатди — 3:1.
Мазкур ғалабадан кейин «Бунёдкор»нинг очколари 16 тага етди ва жамоа 3-ўринга кўтарилди. «Навбаҳор» (14) эса 6-поғонага тушиб кетди.
Coca-Cola Суперлига
8-тур баҳси
7 июль, сешанба
«Бунёдкор» — «Навбаҳор» 3:1
Голлар: 1:0 – 25 Аҳмадалиев, 2:0 – 28 Эркинов, 2:1 – 57 Голбан, 3:1 – 88 Нурмуродов.«Бунёдкор»: Сарвар Каримов, Исломжон Қобилов, Иброҳим Ҳалил Йўлдошев, Дилшодбек Аҳмадалиев, Жасурбек Жалолиддинов (Фаррух Икромов 61), Расул Йўлдошев (Сардор Абдураимов, 84), Лутфулла Тўраев, Санжар Қодирқулов, Абдулла Абдуллаев, Валерий Акопов (Селим Нурмурадов, 61), Шаҳбоз Эркинов (Баҳодир Пардаев, 76).
«Навбаҳор»: Ўткир Юсупов, Азимжон Аҳмедов, Иван Соловёв (Аббосжон Ғуломов, 46), Азизбек Турғунбоев, Исломбек Исоқжонов (Руслан Болов, 46), Мирзоҳид Ғофуров, Игор Голбан, Ислом Рашидхонов (Шоҳруҳ Маҳмудҳожиев, 76), Хуршидбек Мухторов, Тоҳиржон Шамсиддинов (Обид Жўрабоев, 79), Забиҳилло Ўринбоев (Жавлон Иброҳимов, 46).
Огоҳлантиришлар: Соловёв (7), Ўринбоев (10), Жалолиддинов (37), Турғунбоев (37), Аҳмадалиев (59), Иброҳимов (65).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)