Футбол бўйича Англия Премьер Лигасининг 34-турида «Челси» 7 июль, сешанба куни «Кристал Пэлас» майдонига сафар қилди.
Дастлаб меҳмонлар Оливье Жиру (6) ва Кристиан Пулишичнинг (27) голлари эвазига олдинга ўтиб олди. 34-дақиқада Уилфрид Заҳа ўзининг аниқ зарбаси билан ҳисобни қисқартирди.
Иккинчи бўлимда ҳар икки жамоа вакиллари яна бир мартадан дарвозани ишғол қилди. 71-дақиқада Тэмми Абраҳам «кўклар»нинг учинчи голини урган бўлса, орадан бир дақиқа ўтар-ўтмас Кристиан Бентеке «Пэлас»нинг навбатдаги голига муаллиф бўлди. Қолган вақтда ҳисоб ўзгармай қолди.
Мазкур ғалабадан сўнг «Челси» очколарини 60 тага етказиб олди ва мусобақа онлайн жадвалида 3-ўринга кўтарилди. Фрэнк Лэмпард шогирдлари «Лестер»дан 2 очко ўзиб кетди, «тулкилар» ушбу турда «Арсенал»га қарши баҳс олиб боради.
Параллел кечган ўйинда «Уотфорд» аутсайдер «Норвич»ни қабул қилди. Танаффусга қадар ҳар икки жамоа вакиллари бир мартадан гол урди. Иккинчи бўлим дебютида Дэнни Уэлбек акробатик усулда зарба йўллаб, майдон эгаларига ғалаба келтирди. Ушбу ғалабадан кейин очколарини 31 тага етказиб олган «Уотфорд» 17-ўринда бормоқда ва хавфли зонадаги жамоалардан 4 очко олдинда.
АПЛ
34-тур баҳслари
7 июль, сешанба
«Кристал Пэлас» — «Челси» 2:3
Голлар: 0:1 – 6 Жиру, 0:2 – 27 Пулишич, 1:2 – 34 Заҳа, 1:3 – 71 Абраҳам, 2:3 – 72 Бентеке.«Кристал Пэлас»: Гуаита, Уорд, ван Анҳолт, Кейҳилл (Сако, 8), Денн, Миливоевич (Майер, 89), Куяте, Макартур (Маккарти, 80), Заҳа, Бентеке, Айю (Таунсенд, 80).
«Челси»: Аррисабалага, Кристенсен, Аспиликуэта, Зума, Жеймс, Гилмор (Жоржиньо, 80), Баркли (Лофтус-Чик, 65), Пулишич, Маунт, Виллиан, Жиру (Абраҳам, 65).
Огоҳлантириш: Миливоевич (35).
«Уотфорд» — «Норвич» 2:1
Голлар: 0:1 – 4 Буэндиа, 1:1 – 10 Доусон, 2:1 – 55 Уэлбек.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)