Футбол бўйича Coca-Cola Суперлига 8-турида «Пахтакор» 7 июль, сешанба куни «Машъал»ни қабул қилди.
Учрашув кутилганидек Шота Арвеладзе шогирдларининг устунлигида ўтди. Учрашувнинг 25-дақиқасида Эрен Дердийок «шерлар»ни олдинга олиб чиқди. 57-дақиқада швейсариялик футболчи дублини нишонлади.
75-дақиқада Драган Черан Достон Ҳамдамовнинг узатмасидан сўнг боши билан дарвозани ишғол қилган ҳолда, якуний ҳисобни ўрнатди.
Мазкур ғалабадан сўнг «Пахтакор»нинг очколари 21 тага етди ва жамоа мусобақа жадвалида якка пешқадам бўлиб турибди. «Машъал» (6) эса 10-поғонада қолди.
Coca-Cola Суперлига
8-тур баҳси
7 июль, сешанба
«Пахтакор» — «Машъал» 3:0
Голлар: 1:0 – 25 Дердийок, 2:0 – 57 Дердийок, 3:0 – 75 Черан.«Пахтакор»: Элдорбек Суюнов, Ҳожиакбар Алижонов (Акром Комилов, 80), Жалолиддин Машарипов (Жавоҳир Сидиқов, 80), Драган Черан, Егор Кримец, Достонбек Ҳамдамов, Одилжон Ҳамробеков (Садриддин Абдуллаев, 80), Шерзод Аъзамов, Сардор Собирхўжаев (Аброр Исмоилов, 64), Фарруҳ Сайфиев, Эрен Дердийок (Игор Сергеев, 64).
«Машъал»: Раҳимжон Давронов, Нажмиддин Нормуродов, Ифеани Ифеани, Никита Павленко, Мўминжон Мелиев (Дидар Дурдиев, 60), Элла Кен Арманд, Жамолиддин Убайдуллаев, Аббос Шодмонов (Убайдулло Холиқулов, 86), Сирожиддин Қўзиев (Сирожиддин Раҳматуллаев, 65), Самандар Шукуриллаев, Денис Василев (Муҳаммадали Алиқулов, 46).
Огоҳлантиришлар: Ифеани (45), Шукуриллаев (78).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!