Ўзбекистонда 29 июнь куни коронавирусга чалинган 70 нафар бемор тузалиб, мамлакатда тузалганларнинг умумий сони 5500 нафарга яқинлашди. Бу ҳақда Соғлиқни сақлаш вазирлиги хабар берди.
Аввалроқ мамлакатда 97 киши коронавирусдан соғайиб, уйига кузатилгани ҳақида хабар берилганди.
Маълум қилинишича, Тошкент шаҳридаги Вирусология илмий-текшириш институти клиникасида 17 нафар, Тошкент шаҳар 1-сон клиник шифохонасида 19 нафар, шаҳар 3-сон туғруқ мажмуасида 4 нафар, Бухоро вилоятида 12 нафар, Наманган вилоятида 11 нафар, Самарқанд вилоятида 7 нафар, жами 70 нафар коронавирус инфекциясига чалинган бемор соғайди.
Шу тариқа, айни пайтгача Тошкент шаҳри ва вилоятида коронавирус инфекциясидан 3234 нафар бемор соғайди.
Бухоро вилоятида эса COVID-19’дан тузалганларнинг сони 490 нафарга етди.
Наманган вилоятида коронавирусдан соғайганлар сони 281 нафарни ташкил қилмоқда.
Самарқанд вилоятида эса жами 393 киши коронавирус касаллигидан фориғ бўлди.
Шундай қилиб, 29 июнь куни Ўзбекистонда 167 нафар коронавирус инфекциясига чалинган бемор тузалиб, ҳозирда мамлакат бўйлаб соғайганлар сони 5496 нафарни ташкил этмоқда.
Ўзбекистонда 29 июнь соат 17:00 ҳолатига кўра, 168 кишида коронавирус аниқланди. Янги ҳолатлардан сўнг коронавирус инфекцияси қайд этилганлар сони 8199 нафарга етди. 15 мартдан буён коронавирус асоратларидан 23 киши вафот этган.
Изоҳ (0)