O‘zbekistonda 29-iyun soat 17:00 holatiga ko‘ra 168 kishida koronavirus aniqlandi. Yangi holatlardan so‘ng koronavirus infeksiyasi qayd etilganlar soni 8199 nafarga yetdi. Bu haqda Sog‘liqni saqlash vazirligi xabar bermoqda.

Yangi kasallanish holatlarining

  • 151 nafari karantin markazidagi fuqarolar orasida;
  • 9 nafari Buxoro viloyati (shundan 3 nafari koronavirusga chalinganlar bilan muloqotda bo‘lib, karantinga olingan fuqarolar orasida, 6 nafari aholi orasida);
  • 7 nafari Toshkent shahrida (shundan 5 nafari koronavirusga chalinganlar bilan muloqotda bo‘lib, karantinga olingan fuqarolar orasida, 2 nafari aholi orasida);
  • 1 nafari Jizzax viloyatida karantindagi fuqarolar orasida qayd etilgan.

Kun davomida Toshkent shahri va Surxondaryo viloyatidagi tibbiyot muassasalarida 97 nafar koronavirusga chalingan bemor tuzalib, o‘z uylariga kuzatildi. Shunday qilib, O‘zbekistonda 5426 nafar koronavirus infeksiyasiga chalingan fuqaro tuzalib, sog‘ayish ko‘rsatkichi 66 foizni tashkil qilmoqda.

Shifoxonalarda 2750 nafar bemor davolanmoqda. 15-martdan buyon koronavirus asoratlaridan 22 kishi vafot etgan.