Жонс Ҳопкинс университети маълумотларига кўра, бутун дунё бўйлаб коронавирус оқибатида вафот этганлар сони 500 минг кишидан ошиб кетди.
Фото: AP Photo
Университет маълумотларига кўра, COVID-19 қурбонлари сони бўйича биринчи ўринда АҚШ кетмоқда: 125,7 минг киши. Иккинчи ўрин — Бразилия (57 минг), учинчи — Буюк Британия (43,6 минг). Улардан кейинги ўринларни Италия (34,7 минг), Франция (29,7 минг), Испания (28,3 минг) ва Мексика (26,3 минг) эгаллаб турибди. Россия ушбу кўрсаткич бўйича 12-ўринда кетмоқда.
29 майда ЖССТ коронавирус инфекциясидан вафот этган беморлар сони 350 минг нафардан, 7 июнда эса 400 минг нафардан ошиб кетгани ҳақида хабар берганди.
Аввалроқ коронавирусдан касалланганлар сони бутун дунёда 10 миллион кишидан ошгани тўғрисида хабар берилганди.
Мавзуга доир: ЖССТ пандемиянинг иккинчи тўлқини ҳақида огоҳлантирди: «Худди 100 йил аввалгидек бўлади»
Сўнгги маълумотларга кўра, Ўзбекистонда коронавирусдан вафот этганлар сони 22 нафарга етган.
