Butun dunyoda koronavirusdan vafot etgan bemorlar soni 500 ming kishidan oshdi
Jons Hopkins universiteti ma’lumotlariga ko‘ra, butun dunyo bo‘ylab koronavirus oqibatida vafot etganlar soni 500 ming kishidan oshib ketdi.
Universitet ma’lumotlariga ko‘ra, COVID-19 qurbonlari soni bo‘yicha birinchi o‘rinda AQSh ketmoqda: 125,7 ming kishi. Ikkinchi o‘rin — Braziliya (57 ming), uchinchi — Buyuk Britaniya (43,6 ming). Ulardan keyingi o‘rinlarni Italiya (34,7 ming), Fransiya (29,7 ming), Ispaniya (28,3 ming) va Meksika (26,3 ming) egallab turibdi. Rossiya ushbu ko‘rsatkich bo‘yicha 12-o‘rinda ketmoqda.
29-mayda JSST koronavirus infeksiyasidan vafot etgan bemorlar soni 350 ming nafardan, 7-iyunda esa 400 ming nafardan oshib ketgani haqida xabar bergandi.
Avvalroq koronavirusdan kasallanganlar soni butun dunyoda 10 million kishidan oshgani to‘g‘risida xabar berilgandi.
Mavzuga doir: JSST pandemiyaning ikkinchi to‘lqini haqida ogohlantirdi: “Xuddi 100 yil avvalgidek bo‘ladi”
