Британиянинг The Rolling Stones рок-гуруҳи АҚШ президенти Дональд Трампга президентлик лавозими учун ўтказилаётган сайловолди кампанияларида гуруҳнинг мусиқаларидан фойдаланишни тақиқлаб қўйди. Бу борадаги тегишли баёнотни жамоа номидан BMI муаллифлик ҳуқуқини ҳимоя қилиш ташкилоти эълон қилди, деб ёзади Rolling Stone журнали.
«BMI Трампнинг сайловолди кампаниясини The Rolling Stones қўшиқларидан рухсатсиз фойдаланиш лицензия битимининг бузилишига сабаб бўлиши ҳақида хабардор қилди», — дейилади баёнотда.
Трамп гуруҳнинг тақиқига эътибор қаратмаса ва уларнинг мусиқасидан фойдаланишни давом этса, тақиқни бузганлиги ва фойдаланишга лицензияси берилмаган мусиқани ижро этгани учун судга тортилади.
2016 йилги сайлов кампанияси доирасида ўтказилган учрашувларда Британия гуруҳининг кўплаб композициялари, хусусан, You Can’y Always Get What You Want қўшиғи ҳам ижро этилган.
Эслатиб ўтамиз, АҚШда навбатдаги президентлик сайловлари 2020 йилнинг 3 ноябри куни бўлиб ўтади. Америкаликларнинг қарийб ярмидан кўпи Трамп 2020 йилги сайловларда ғолиб бўлишига ишонади.
Мавзуга доир: Оқ уй Трампга қарши бўлганларнинг рўйхатини тузмоқчи
Изоҳ (0)