АҚШ Вакиллар палатасининг Қуролли кучлар бўйича қўмитаси мамлакатнинг 2021 йилги ҳарбий бюджети лойиҳасида ажратиладиган маблағларнинг бир қисмини Россияни Европада ушлаб туриш учун йўналтириш таклифини билдирди. Бу ҳақда қўмитанинг расмий саҳифасида эълон қилинган ҳужжат матнида сўз боради.
Ҳужжатнинг «Россия ва Европа» кичик бўлимида Европа Иттифоқининг Россияни ушлаб туришини қўллаб-қувватлаш учун қўшимча 3,389 миллиард доллар ажратиш зарурлиги ҳақида сўз боради. Гап, хусусан, сувости флотини, сунъий йўлдош алоқа тизимлари, ҳарбий хизматчиларни денгиз транспорти ёрдамида белгиланган жойларга ташлашда керак бўладиган зарурий воситалар ҳақида кетмоқда.
Ҳужжатда Россия яна икки маротаба қайд этилган. Биринчи ҳолатда, Россия Қрим устидан суверенитетининг тан олинишига ёрдам берадиган ҳар қандай молиялаштиришни тақиқлаш ҳақида гап борса, иккинчи ҳолатда — Конгресс АҚШнинг Россия билан ҳарбий ҳамкорлигини чеклашни давом этишни таклиф қилади.
Бундан ташқари, Вакиллар палатаси қўмитаси Украинага 250 миллион доллар ҳарбий ёрдам ажратиш таклифини билдирган. Маблағларнинг 50 миллион доллари Киев учун ҳалокатли қуролланишларни молиялаштиришга йўналтирилади.