Ўзбекистонда 23 июнь соат 23:30 ҳолатига кўра, яна 127 кишида коронавирус аниқланди. Касалланганларнинг умумий сони 6662 нафарни ташкил қилмоқда. Бу ҳақда Соғлиқни сақлаш вазирлиги хабар бермоқда.
Янги касалланиш ҳолатларининг
- 79 таси карантин марказидаги фуқаролар орасида;
- 14 таси Хоразм вилоятида (шундан 8 таси коронавирусга чалинганлар билан мулоқотда бўлиб, карантинга олинган фуқаролар орасида, 6 таси эса аҳоли орасида);
- 7 таси Қашқадарё вилоятида (шундан 3 таси коронавирусга чалинганлар билан мулоқотда бўлиб, карантинга олинган фуқаролар орасида, 4 таси аҳоли орасида);
- 9 таси Тошкент шаҳрида (шундан 3 таси коронавирусга чалинганлар билан мулоқотда бўлиб, карантинга олинган фуқаролар орасида, 6 таси аҳоли орасида);
- 5 таси Сирдарё вилоятида, 3 таси Самарқанд вилоятида коронавирусга чалинганлар билан мулоқотда бўлиб, карантинга олинган фуқаролар орасида;
- 3 таси Андижон вилоятида (шундан 1 таси коронавирусга чалинганлар билан мулоқотда бўлиб, карантинга олинган фуқаролар орасида, 2 таси эса аҳоли орасида);
- 3 таси Тошкент вилоятида (шундан 2 таси аҳоли орасида, 1 таси халқаро юк ташувчи автомашина ҳайдовчисида),
- 3 таси Наманган вилоятида аҳоли орасида;
- 1 таси Қорақалпоғистон Республикасида коронавирусга чалинганлар билан мулоқотда бўлиб, карантинга олинган фуқаролар орасида аниқланган.
Аввал 23 июнь соат 17:00 ҳолатига кўра, 35 та янги касалланиш ҳолати қайд этилиб, коронавирус инфескияси чалинган беморларнинг умумий сони 6535 нафарга етгани хабар қилинган. Шу тариқа 23 июнь кун давомида 201 нафар кишида коронавирус аниқланган.
23 июнь кун давомида 110 нафар коронавирус инфекциясига чалинган бемор тузалиб, ҳозирда мамлакат бўйлаб соғайганлар сони 4560 нафарни (68 фоиз) ташкил этган.
Ҳозирда шифохоналарда 2083 нафар бемор даволанмоқда. Шу кунгача 19 нафар бемор COVID-19 асоратларидан вафот этган.
