Италияда жойлашган портларнинг биридаги контейнерлар ичидан Канададан ўғирланган 40 та автомобиль партияси топилди. Машиналар денгиз орқали қитъага олиб келинган бўлиб, улар Туркия ва Ливия чегаралари орқали харидорларга жўнатилиши керак бўлган, деб хабар беради Toronto Star.
Шубҳали денгиз контейнерлари Йорк ва Канада чегара хизматларининг (CBSA) молиявий жиноятлар бўлими томонидан ўтказилган тергов вақтида очилган. Уларнинг ичидан қиммат моделлар, жумладан, Chevrolet Camaro, шунингдек, бир неча нусхада Lexus, Mercedes-Benz, Land Rover ва BMW моделлари топилган. Полициянинг ҳисоб-китобларига кўра, ўғирланган автомобилларнинг умумий қиймати 1,5 миллион долларга тенг.
Топилган 40 та автомобилнинг барчаси Канадага қайтарилган бўлиб, ҳозирда маҳаллий ҳуқуқ-тартибот идоралари ходимлари уларнинг асл эгаларини қидириш билан шуғулланмоқда.
Шубҳали етказиб беришлар апрель ойидаёқ қайд этилган. Ўшанда 2018 йилда ишлаб чиқарилган ва молиявий жиноятларга боғлиқлиги сабаб қидирувда бўлган Audi Q8 етказиб берилган. Бу Италиянинг Салерно ва Тауро портларидаги контейнерларнинг текширилишига сабаб бўлиб хизмат қилган.
Италия ОАВнинг ёзишича, мазкур 40 та автомобиль бошқа давлатлардан Италияга ноқонуний олиб келган партиянинг бир қисми, холос. Сўнгги вақтларда юзлаб шубҳали машиналар топилган.
Изоҳ (0)