Italiyada joylashgan portlarning biridagi konteynerlar ichidan Kanadadan o‘g‘irlangan 40 ta avtomobil partiyasi topildi. Mashinalar dengiz orqali qit’aga olib kelingan bo‘lib, ular Turkiya va Liviya chegaralari orqali xaridorlarga jo‘natilishi kerak bo‘lgan, deb xabar beradi Toronto Star.
Topilgan 40 ta avtomobilning barchasi Kanadaga qaytarilgan bo‘lib, hozirda mahalliy huquq-tartibot idoralari xodimlari ularning asl egalarini qidirish bilan shug‘ullanmoqda.
Shubhali yetkazib berishlar aprel oyidayoq qayd etilgan. O‘shanda 2018-yilda ishlab chiqarilgan va moliyaviy jinoyatlarga bog‘liqligi sabab qidiruvda bo‘lgan Audi Q8 yetkazib berilgan. Bu Italiyaning Salerno va Tauro portlaridagi konteynerlarning tekshirilishiga sabab bo‘lib xizmat qilgan.
Italiya OAVning yozishicha, mazkur 40 ta avtomobil boshqa davlatlardan Italiyaga noqonuniy olib kelgan partiyaning bir qismi, xolos. So‘nggi vaqtlarda yuzlab shubhali mashinalar topilgan.
Izoh (0)