Австриялик олимлар еса бўладиган робот яратди

Австриядаги Иоганн Кеплер университети олимлари еса бўладиган роботни яратди, деб ёзади Futurism.

Қурилма роботлаштирилган фил хартумидан иборат. У букилади ва буюмларни ушлай олади. Хартумнинг устки қисми еса бўладиган гелдан ишланган.

Гель таркибига глицерин аралаштирилган желатин киради. Айнан у қурилмага юмшоқ ва намланувчан бўлиш имконини беради. Унинг таркибида, шунингдек, «бактериялар ёқтирмайдиган» лимон кислотаси мавжуд.

Роботнинг гели, тахминан, бир йил қуримайди. У 330 минг марта букилиб, тўғрилана олади, шундан кейингина унинг эластиклиги камайиши мумкин. Агар хартум чиқиндига ташлаб юборилса, у вақт ўтган сари парчаланади.

Ихтиро муаллифларидан бири Мартин Кальтенбруннернинг айтишича, янги ишланмани, масалан, ветеринарияда ишлатиш мумкин.

Шу тариқа ҳайвонларни адаштириб, уларга ичига дори солинган роботни едириш мумкин.