Samsung дунёдаги энг қайрилган ва қиммат мониторни тақдим этди

Samsung компанияси эгилган ва жуда қиммат турувчи Odyssey G7 ва G9 мониторларини тақдим этди, деб хабар беради Hi-Tech.Mail.ru.

Янги Samsung Odyssey мониторлар линейкаси квант нуқталарига эга QLED матрицасида ишлайди — улар эгилган дисплей сабаб компьютер ўйинларини мароқ билан ўйнашга хизмат қилади.

Odyssey G9 томонлар нисбати 32:9 ва пикселлар сони 5120х1440 бўлган 49 дюймли бозордаги энг эгилган дисплейга айланди. У 1000 кд/метр квадрат ёруғликни қўллаб-қувватлайди ва HDR1000 стандарти бўйича сертификатга эга. Корпусга 52 хил рангни таний оладиган ёритиш тизими ўрнатилган.

Ўлчами ва эгилгани сабаб ушбу монитор жуда қиммат туради — 1700 доллар. Бу пулга премиум синфига оид OLED дисплей харид қилиш мумкин.

Odyssey G7 бироз оддий мониторга ўхшайди — унинг диагоналлари 27 ёки 32 дюйм ва томонлар нисбати 16:9. Ёруғлиги ҳам пастроқ (600 кд/метр квадратгача) ва пикселлари сони 2560х1440 ни ташкил этади. Шунингдек, у ҳам бироз эгилган ва ўйин учун мўлжалланган функцияларни қўллаб-қувватлайди.

27 дюймли G7 монитор нархи 700 доллар бўлса, 32 дюймлиси 800 доллардан сотилмоқда. Мониторларни ҳозирда АҚШ ва бошқа кўплаб давлатларда олдиндан буюртма қилиш мумкин.