Япониянинг Cоcоа Motors компанияси ўлчами жиҳатидан 13 дюймли ноутбукка ўхшаш Walkcar номли ноодатий электр тахтани сотувга чиқарди, деб хабар беради Hi-Tech.Mail.ru.
Электротахтанинг оғирлиги 2,7 килограммга тенг бўлиб, спорт режимида соатига 16 километр тезликда ҳаракатлана олади. Қурилма худди гироскутер принципида бошқарилади — танани турли томонларга оғдириш орқали тезликни бошқариш ва керакли томонга бурилиш мумкин.
Тўртта ғилдиракнинг ҳар бирини ичига кичкина, бироқ кучли электродвигатель ўрнатилган. Улар 10 даража қияликка ҳам кўтарилиш имконини беради. Walkcar устидаги одам қурилмадан тушиши билан у автоматик равишда тўхтайди. Шу орқали уни тезда тўхтатиш ва турли тўсиқларга дуч келганда ёки бино ичига киришда кўтариб олиш мумкин.
Қулай корпус ва оғирлиги сабаб автономликдан воз кечишга тўғри келган — бир марта қувватланиш орқали 7 километр масофа босиш мумкин холос. Шунингдек, фойдаланувчи оғирлигига ҳам чеклов ўрнатилган — 80 килограмм.
Walkcar’нинг яна бир камчилиги — нархи. Кичик корпус ичига тўртта двигатель жойлаштириш қимматга тушган. Шу сабабли ушбу қурилмани Японияда 1800 доллар эвазига буюртма қилиш мумкин.
Мавзуга доир: Японлар шиширма электроскутерни тақдим этди (видео)
Изоҳ (0)