Фирибгарлик устида ушланган Тошкент вилояти Халқ таълими бошқармаси бош мутахассисига жиноий иш қўзғатилди. Бу ҳақда «Дарё»га Бош прокуратура матбуот хизмати хабар берди.
Маълум бўлишича, Тошкент вилояти Халқ таълими бошқармаси бош мутахассиси С.А. фуқаро Э.Ш.нинг ишончига кириб, уни юқори лавозимда ишловчи танишлари орқали 2000 доллар эвазига Олмалиқ шаҳридаги мактаблардан бирига директор лавозимини эгаллашига ёрдам беришга ваъда қилган.
Шундан 200 доллар ва 2,7 миллион сўмни олдиндан олган. Қолган 1500 долларни олган вақтида ашёвий далил билан ушланган.
Мазкур ҳолат юзасидан С.А.га нисбатан Жиноят кодексининг 168-моддаси (Фирибгарлик) 3-қисми ва 28, 211-моддаси (Пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- UzAutoMotors’га ишга киритиб қўяман деб одамларни 42 минг долларга «ухлатган» фирибгарларга жиноят иши қўзғатилди
- Наманганда хўжалик ерини 14 минг долларга боғдорчилик учун ажратиб бермоқчи бўлган фермер хўжалиги раҳбари ушланди
- Андижонда ўқитувчиларга имтиёзли кредитга бериладиган намунавий уй олиб бериш эвазига 3 минг доллар сўраган шахс ушланди
Изоҳ (0)