Шаҳзода Гаррининг бегона юртдаги ҳаёти «қўрқинчли туш»га айлангани маълум қилинди

Қироллик оиласи таҳлилчиси Рассел Майерснинг маълум қилишича, шаҳзода Гарри ва Меган Марклнинг режалари коронавирус пандемияси туфайли барбод бўлган, деб ёзади «Korrespondent.net».

Елизавета II нинг кенжа неварасининг ҳаёти эса «қўрқинчли туш»га айланган.

Майерснинг айтишича, герсоглар қироллик мажбуриятларидан воз кечганидан сўнг катта режалар билан Британияни тарк этган эди.

Улар ўз хайрия фондларини очишни, жамоат олдидаги чиқишлари билан пул ишлашни режалаштирган, Меган Маркл эса кинога қайтишни орзу қилган эди.

Бироқ Лос-Анжелесга кўчиб кетганидан сўнг эр-хотиннинг умидлари коронавирус пандемияси туфайли амалга ошмаган.

Бунинг устига Рассел Майерснинг маълум қилишича, Гарри бегона юртда ўзига муносиб иш топа олмаган.

Журналистнинг айтишича, шаҳзода Британия қироллик флотидаги дўстлари билан боғланиб, ўзини қироллик флоти раҳбари сифатидаги лавозимини сақлаб қолишни сўраган.

Майерснинг сўзларига кўра, шаҳзода оиласи билан ярашишига тўғри келади.

Қайд этилишича, эр-хотин пулдан ҳам қийналмоқда.

Жуфтликни ҳозирча шаҳзода Чарльз пул билан таъминламоқда, бироқ бутун умр бундай давом этмайди. Эр-хотин ўзлари ишлаб, пул топишига тўғри келади.

Улар ҳозирда яшаётган ҳашаматли уйлари ижарасига ойига 20 миллион фунт стерлинг, қўриқчиларга эса кунига етти минг фунт стерлинг тўлайди.

Рассел Майерснинг фикрига кўра, шаҳзода Гарри ҳозир жуда қийналмоқда. Унда психологик муаммолар ҳам кузатилмоқда.

Меган эса ҳеч қандай чекловларсиз кўчага бемалол чиқиш учун карантин бекор қилинишини кутмоқда.