Америкалик аёл табиий кўринишга эга бўлиш учун 47 марта пластик операция қилдирди

Табиий гўзалликка эришиш учун 47 марта пластик операция қилдирган аёлнинг номи Гиннеснинг рекордлар китобида қайд этилган, деб ёзади Daily Mirror.

Синди Жексон 1987 йилдан бери 14 марта пластик жарроҳликка мурожаат қилган. 2005 йилда эса у энг кўп пластик операция қилдирган инсон сифатида Рекордлар китобига киритилган.

Жексоннинг айтишича, ўтган вақт ичида у яна бир нечта пластик жарроҳлик амалиётини бошдан кечирган, бироқ улар ҳақида гапиришни истамайди. Аёл энг кўп пластик операция қилдирган инсон мақоми бошқа рекордчига берилишига умид билдирган.

Жексоннинг сўзларига кўра, одамлар Гиннеснинг рекордлар китобини «хунук одамлар цирки» деб ҳисоблайди, шунинг учун у ўзини у ерда кўришни истамайди.

«Мен ҳар доим табиий кўринишга интилганман. Фикримча, агар пластик операция натижаси табиий кўринишни бера олмаса, у муваффақиятсиз чиққан бўлади», — дейди Синди.