Нидерландиялик олимлар янги қўнғиз турини афсонавий инглиз гуруҳи — The Beatles шарафига номлади. Бу ҳақда Британиянинг The Daily Telegraph газетаси хабар берди.
Қаттиққанотли ҳашаротлар турига кирувчи қўнғизнинг катталиги 2 миллиметрга яқин бўлиб, унга Ptomaphagus thebeatles номи берилган.
Таъкидланишича, ушбу қўнғиз Амстердам марказидаги Вондел боғидан топилган бўлиб, бу ер маҳаллий аҳоли ва пойтахт меҳмонлари орасида жуда машҳур ҳисобланади. Қўнғиз олимлар билан бирга, қўлларида катталаштирувчи ойна билан атроф-муҳитни ўрганишга бағишланган кўнгиллилар илмий-ўқув экскурсияси вақтида топилган.
Қўнғизни аниқлаш гуруҳидан ўрин олган Амстердам эркин университети олимларининг маълум қилишича, қўнғизда «Ливерпуль тўртлиги»га боғлиқ ўзига хос бирор нима йўқ. Нидерландиялик олимларни бунинг учун шунча вақт талаб этилгани ҳайрон қолдирган.
«Шу вақтгача қўнғиз The Beatles шарафига номланмагани ғалати. Ҳозирда бу Contributions to Zoology илмий журнали томонидан чоп этилган янги мақолада тўғирланди», — дейилади университет хабарида.
Изоҳ (0)