Американинг Буффало шаҳрида истиқомат қилувчи ўсмир мустақил равишда оммавий норозилик намойишларидан сўнг кўчаларда қолиб кетган чиқиндиларни йиғиб, орзусидаги машинага эга бўлди, деб хабар қилади WioNews.
Катта мактабнинг 18 ёшли ўқувчиси Антонио Гвинн норозилик намойишларидан сўнг, шаҳар кўчалари чиқиндиларга тўлиб кетганини кўрган. 1 июнга ўтар кечаси, у ахлат солишга мўлжалланган «пакет»ларни харид қилиб, бир ўзи кўчани супуришга киришган.
Эртаси куни маҳаллий аҳолидан ташкил топган гуруҳ кўчани тозалашга келганида, Гвинн асосий ишни қилиб улгурган.
Гвинн ҳақидаги гап-сўзлар тезда шаҳар бўйлаб тарқалгани сабаб, аҳоли унга миннатдорчилик билдиришга қарор қилган. Мэтт Блок исмли фуқаро ўсмир ҳақидаги маълумотларни ўқиб, ўзининг қизил Mustang’ини совға қилган. 27 ёшли Блок ёшлигидан шу каби машинаси бўлишини орзу қилгани, бироқ охирги вақтларга кам фойдаланаётганини сўзлаб берган. У Facebook’да Гвинн қанақа машина харид қилиш тўғрисида одамлардан маслаҳат сўраётганини кўрган ва шу қарорга келган. Маълум бўлишича, ўсмир худди шундай машинага эга бўлшни орзу қилган.
Боб Брайсленд исмли маҳаллий бизнесмен Блокнинг совғасидан хабар топиб, Гвиннга бир йиллик текин суғурта совға қилган.
Гвинн мактабни тамомлагач, техникумга ўқишга кириб, коллеж учун пул жамғариш ниятида бўлган. Унинг қилган ишидан хабар топган Буффалодаги Medaille Collage унга тўлиқ стипендия таклиф қилган. У энди куздан бошлаб тадбиркорликка ўқийди. Гвиннинг яна бир орзуси — клининг компания очиш.
Изоҳ (0)