3 июнь, чоршанба куни дунёнинг турли бурчакларидан олинган энг қизиқарли суратлар жамланмасини тақдим этамиз.

Ҳиндистоннинг Мумбай шаҳрида 10 мингдан ортиқ аҳоли яқинлашиб келаётган Нисарга циклони хавфи сабаб эвакуация қилинди.

Фото: Reuters

Москва вилоятида черковлар ибодат қилувчилар учун очилди.

Фото: Reuters

Россиянинг Мурманск вилоятидаги Кольск туманида жойлашган Шимолий Кола дарёсидаги сув сатҳининг ортиши ва оқимининг кучайиши натижасида қулаган кўприк.

Фото: Reuters

Минскда августдаги президентлик сайловларида қатнашувчи мухолифат вакилларининг номзодлари учун имзо қўйиб беришга одамлар йиғилди.

Фото: Reuters

Украинанинг Киев шаҳрида ресторанлар фаолиятини тиклашни талаб қилувчи намойишлар ўтказилмоқда.

Фото: Reuters

АҚШда қора танли Жорж Флойднинг полициячи томонидан ўлдирилиши ортидан келиб чиққан намойиш ва тўполонлар АҚШда икки ҳафтадан бери давом этмоқда.

Фото: Reuters

Тошкент шаҳрининг Шайхонтоҳур туманида 7 та машина иштирокида йўл-транспорт ҳодисаси рўй берди.

Фото: ЙҲХББ

Япониянинг Никко шаҳридаги Кинугава мактабида болалар бошланғич мактабга ҳимоя воситаларида қайтди.

Фото: Getty Images

Франциянинг Сена дарёси соҳилидаги маҳсулот бозори террасаларида овқатланиб ўтирган парижликлар.

Фото: Getty Images

Хитойнинг Линьи ҳудудида сомондан тўқилган қўл меҳнати маҳсуллари қуёшда қуритишга қўйилган. Аввал буғдой ҳосилидан қолган сомонлар ёқиб юборилган бўлса, эндиликда бунинг экологик тоза йўли ўйлаб топилди.

Фото: Rex

АҚШнинг Нью-Йорк шаҳрида қора танли Жорж Флойднинг полициячи томонидан ўлдирилиши ортидан келиб чиққан адолат намойишида бир-бирининг қўлини ушлаб турган полиция ходими ва намойишчи.

Фото: AP Photo

Франция-Италия чегарасидаги Мелтон шаҳрида постда турган италиялик аскар.

Икки давлат ҳам Европа учун очилишга ҳозирлик кўрмоқда.

Фото: AFP

Перунинг Икитос шаҳрида Амазонка кўлидаги бандаргоҳда болалар пластик челакларда сузмоқда.

Фото: AFP

Суданнинг Хартум шаҳрида ҳукуматга қарши намойишда ўнлаб одамлар ўлдирилган эди. Суратда намойишчилардан бири ҳимоя ниқоби ва қўлқопларда ёниб ётган кўчада югуриб кетмоқда.

Фото: AFP

Парижнинг Лотин кварталидаги қаҳвахонада нонушта қилиб ўтирган хўрандалар.

Фото: Getty Images

Грециянинг Афина шаҳри ташқарисидаги ҳудудда драйв-ин фестивалидан баҳра олаётган оила. Мамлакат карантин тартибини енгиллаштирмоқда.

Фото: AFP

Франциянинг Марсель шаҳридаги денгиз маҳсулотлари ресторанида меню ҳамда қўл учун тозалаш воситасини олиб бораётган ходим.

Фото: AP Photo

Франциянинг Мюлуз шаҳридаги ҳайвонот боғида қоплон болалари.

Фото: AFP

Ҳиндистоннинг Мумбай шаҳрида Аравий денгизи тарафдаги харобалардан қочиб кетаётган оила. Ҳудудга Нисарга циклони яқинлашиб келмоқда.

Фото: Reuters

Филиппиннинг Ангоно шаҳрида масофа сақлаш учун ўрнатилган қўлбола пластик тўсиқларга эга транспортда жойига ўтираётган йўловчи.

Фото: Reuters