Ҳиндистонда коронавирусга чалинганлар сони бир суткада 8,9 мингтага кўпайиб, 207 615 кишига етди. Бу ҳақда мамлакат соғлиқни сақлаш ва оилавий хотиржамлик вазирлиги ахборотига таяниб «РИА Новости» хабар берди. Бир кун аввал касалланганларнинг умумий сони 198 706 нафарни, ундан олдин эса 190 535 нафарни ташкил қилган.
Вазирлик берган маълумотга асосан Ҳиндистонда 101 497 киши касалликдан даволанмоқда. 100 3302 нафар бемор (бир сутка ичида 4 776 киши) COVID-19’дан тузалган, беморларнинг 5 815 нафари (бир сутка ичида 4 776 киши) эса вирус қурбони бўлган.
Аввалроқ Ҳиндистон ички ишлар вазирлиги 25 мартдан бери амалда бўлиб турган ўзини яккалаш режимини касаллик авж олган жойда 30 июнгача узайтиришни, касаллик камайган жойда эса юмшатишни буюрганди. Вазирлик, шунингдек, карантиндан чиқишнинг 3 та босқичини ишлаб чиққан.
Биринчи босқич 8 июнда бошланиб, ибодатхоналар, меҳмонхоналар, ресторанлар ва савдо марказлари очилади.
Иккинчи босқич июль ойида бошланиб, маҳаллий ҳокимият билан келишилган ҳолда мактаблар ва ўқув муассасалари ишлашига рухсат берилади.
Чекловларни олиб ташлашнинг учинчи босқичининг вақти ҳали аниқланмаган бўлиб, унда халқаро рейслар, метро, кино заллари, сузиш ҳавзалари, театрлар, кафеларнинг фаолияти қайта тикланади ва оммавий йиғилишларга рухсат берилади.
Изоҳ (0)