Самарқанд вилоятининг Иштихон туманида 24 май куни юз берган йўл-транспорт ҳодисаси оқибатида бир киши ҳалок бўлди. Бу ҳақда Ўзбекистон Республикаси ИИВ ҳузуридаги Тергов департаменти хабар бермоқда.
Ҳодиса соат 18:00 да «Азамат» маҳалласи Нуробод қишлоғи ҳудудидан ўтувчи йўлда содир бўлган. 39 ёшли К.Т. Matiz бошқарувини йўқотиши оқибатида ҳаракат йўналиши бўйича йўлнинг чап томонида жойлашган Хатирчи каналининг кичик ирмоғига тушиб кетган.
ЙТҲ оқибатида автомашинада бўлган йўловчи 39 ёшли М.У. тан жароҳати олиб, Хатирчи каналининг кичик ирмоғининг сув оқимига тушиб кетиб вафот этганлиги аниқланган. М.У. нинг мурдаси ҳодиса жойидан сув оқими бўйича 430 метр узоқликда каналнинг кичик ирмоғидан топилган.
Ҳолат юзасидан Иштихон туман ИИБ ҳузуридаги Тергов бўлими томонидан Жиноят кодексининг 266-моддаси 2-қисми (Одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, дастлабки тергов ҳаракатлари олиб борилмоқда.
Эслатиб ўтамиз, 5 май куни Сирдарёда ҳам Matiz каналга тушиб кетганди. Ҳодиса оқибатида ҳайдовчи ва икки йўловчи вафот этган.
Изоҳ (0)