Хоразм вилоятида 3 нафар, Наманган вилоятида 7 нафар ҳамда Самарқанд вилоятида 2 нафар, жами 12 нафар коронавирус инфекциясига чалинган бемор 26 май, сешанба куни бутунлай соғайиб, реабилитацияга кузатилди, деб хабар бермоқда ССВ матбуот хизмати.
Хоразмда тузалган 3 нафар фуқаро билан вилоятда коронавирус инфекцияси қайд этилган жами 233 нафар беморнинг барчаси соғайиб, Жиззах, Қашқадарё ва Фарғона, Сурхондарё, Бухоро вилоятларидан сўнг COVID-19’дан холи ҳудудлар сафига қўшилди.
Наманганда шифо топганларнинг барчаси ушбу вилоятдан (5 нафари Наманган шаҳри, Уйчи ва Наманган туманларидан 1 нафардан) бўлиб, 5 нафари эркаклар, 2 нафар аёллар. Улар орасида ёши каттаси 75 ёшли онахон бўлса, ёши кичиги 17 ёшда. Вилоятда ани пайтга қадар 240 нафар бемор соғайган бўлса, эндиликда 247 нафарга етиб, даволанаётганлар 3 нафарни ташкил этмоқда. Ушбу вилоят ҳам коронавирусдан холи ҳудуд бўлишга яқин турибди.
Самарқандда тузалганлар ҳам (30 ёшли ва 24 ёшли эркак) ушбу вилоятдан бўлиб, Тойлоқ ва Самарқанд туманларидан. Эндиликда вилоятда соғайганлар 249 нафарга етиб, даволанаётганлар 89 нафарни ташкил қилмоқда.
Бундан аввал Ўзбекистонда коронавирусдан тузалганлар 17 кишига ошиб, 2624 нафарга етгани хабар берилган эди. Шундай қилиб, 26 май куни 29 нафар бемор тузалиб, Ўзбекистон бўйлаб коронавирус инфекциясидан бутунлай соғайганлар 2636 нафарга етди.
Касаллик қайд этилганларнинг умумий сони эса 26 май соат 17:00 ҳолатига кўра, 3281 нафарни ташкил этмоқда.
