Ўзбекистоннинг «қизил» ва «сариқ» тоифадаги ҳудудларида кунлик тест олиш сони оширилади. Бу ҳақда Президент Шавкат Мирзиёев 26 май куни бўлиб ўтган видеоселектор йиғилишида кўрсатма берган.
«Соғлиқни сақлаш вазирлиги ‘қизил’ ва ‘сариқ’ ҳудудларда кунлик тест олиш сонини ошириши лозим», — деб таъкидлаган давлат раҳбари.
Шавкат Мирзиёевнинг таъкидлашича, бунда тиббиёт муассасалари, бозорлар, банклар ва аҳоли кўп жойларда назорат тестлар олиш кўпайтирилиши керак.
Мавзуга доир:
Аввалроқ, 26 апрель ҳолатига кўра ўтган бир кунда мамлакатда 8 579 та тест олингани, мамлакатда эпидемия бошланганидан бери жами 242 536 киши текширувдан ўтказилгани маълум қилинган эди.
Маълумот учун, 26 май соат 17:00 ҳолатига кўра Ўзбекистонда 3281 та ҳолатда коронавирус инфекцияси билан касалланиш ҳолати аниқланган, беморларнинг 2627 нафари соғайган, 13 нафар бемор эса касаллик асоратлари оқибатида вафот этган.
Изоҳ (0)