Чеченистон раҳбари Рамзан Қодиров коронавирусга чалиниб, Москвада касалхоналардан бирига ётқизилгани ҳақидаги хабарлардан кейин биринчи марта омма олдида кўриниш берди. Қодировнинг Telegram’даги каналига унинг ўзи иштирок этган тезкор штабнинг йиғилиши сурати жойланди.
«Тезкор штабнинг байрам дам олиш кунларидан кейинги биринчи йиғилишида масъул шахсларнинг ҳисоботларини эшитдим», — деб ёзган Рамзан Қодиров ўз каналида. Суратларда унинг тезкор штаб вакиллари билан стол атрофида ўтиргани акс этган.
Қодировнинг сўзларига кўра, Чеченистонда пандемия фонида касалхоналардаги ва иқтисодиёт соҳаларидаги вазият барқарор. «Биз аллақачон коронавирус билан кураш ҳақида кераклича фойдали билим олдик», — дея таъкидлаган Қодиров.
Рамзан Қодировнинг коронавирусга чалингани ва Москвадаги касалхонага ётқизилгани ҳақидаги хабарлар 21 май куни пайдо бўлди. Кейинроқ шифокорлар Рамзан Қодировнинг аҳволи ҳақида маълумот бергани хабар қилинди.
Изоҳ (0)