Германиядаги Lufthansa авиакомпанияси акциядорлари орасига 1997 йилда компания капиталини тарк этган давлат улуши қайтади. Давлат COVID-19 коронавирус пандемияси шароитида компанияга ёрдам кўрсатиш учун иқтисодиётни барқарорлаштириш фонди ҳисобидан (Wirtschaftsstablisierungsfonds, WSF) 20 фоиз капитал ажратади ва Lufthansa’нинг қўшимча чиқарилган акциялари сотиб олинади, дейилган авиакомпания сайтидаги хабарда.
Акцияларни сотиб олиш нархи битта қимматли қоғоз учун 2,56 евро. Шу тариқа давлат акциялар учун умумий ҳисобда, тахминан, 300 миллион евро тўлаб беради. Янги акционер авиакомпания кузатув кенгашига икки нафар аъзони тайинлаш ҳуқуқига эга бўлади, уларнинг бири аудит бўйича қўмита таркибига киради.
Бироқ WSF келишувига кўра, давлат ўз акциялари билан акциядорларнинг умумий масалалар бўйича йиғилишларида иштирок этмайди. Ушбу ҳолат содир бўладиган бўлса, WSF ўз пакетини блокланган 25 фоиз ва яна битта акция олиш ҳуқуқига эга бўлади.
ГФРнинг Lufthansa’га ажратадиган маблағ қарийб 9 миллиард еврони (компания бозор капитализацияси 4 миллиард евродан кўпроқ) ташкил этади. Ушбу сумманинг 5,7 миллиардини давлат овоз бермайдиган капитал сифатида тақдим қилади ва компания WSF’га 2020—2021 йилларда 4 фоизлик мукофот маблағи ажратиши лозим, ушбу пуллар фоизи 2027 йилда босқичма-босқич 9,5 фоизгача ўсади. Компенсация тўланмайдиган бўлса, WSF’нинг компаниядаги капитали 5 фоизга ўсади (2024 йилдан), бошқа талаблар бажарилмаса яна 5 фоизга (2026 йилдан) ошади. Lufthansa маблағларни WSF’га тўлиқ қайтаргач, фонд 2023 йил 31 декабргача ўзига тегишли пакетни бозор нархида сотиш мажбуриятини олади.
Lufthansa яна Германиядаги Kreditanstalt für Wiederaufbau давлат банки ва тижорат банкларидан 3 миллиард евро кредит олади.
Келишувнинг шартларига Lufthansa бошқарув ва кузатув кенгашларини тасдиқлаш, шундан кейин компания акциядорларининг навбатдан ташқи йиғилишида муҳокама қилинади. Келишувни Еврокомиссия тасдиқлаши лозим.
Давлатнинг Lufthansa акцияларини қўллаб-қувватлаши ҳақидаги хабарлардан кейин компаниянинг акциялари бир дона акция учун 7,5 фоизга, яъни 8,64 еврога ўсган.
Изоҳ (0)