Африкада коронавирус пандемияси ҳали ўз чўққисига чиққани йўқ, соғлиқни сақлаш тизимига мавжуд таҳдидлар ва оммавий тест ўтказиш билан боғлиқ муаммолар ҳозирги эпидемиологик вазиятни ёмонлаштирмоқда. Бу ҳақда ЖССТнинг Африкада фавқулодда вазиятларда ҳаракат қилиш дастури раҳбари Мишель Яо «РИА Новости»га маълум қилган.
Ҳозирги кунда Африка қитъасига дунёда коронавирус билан касалланишнинг умумий сонининг тахминан 1,5 фоизи тўғри келади. Яонинг сўзларига кўра, бу кўрсаткич ўсишда давом этмоқда, гарчи ўсиш фақат бир нечта мамлакатлар, хусусан, қитъанинг шимолидаги давлатлар, ЖАР, ғарбда Нигерия ва Гана, шунингдек, қитъанинг марказий қисмидаги Камерун ва Конго каби мамлакатларидаги вазиятлар билан боғлиқ бўлса ҳам.
«Касалланиш ҳолатларининг аксарият қисми шу давлатларга тўғри келмоқда ЖАРда ҳали ҳам ўсиш кузатилмоқда, бироқ ушбу давлатларнинг ҳали бирортаси касалланиш чўққисидан ўтмади. Буркина-Фасо каби мамлакатларда (касаликка чалинишлар сони бўйича — таҳр.) айрим пасайишларни кузатишингиз мумкин.
Биз вирусга чалинган барча одамларнинг, ҳатто касаллик уларда белгиларсиз кечаётган бўлса ҳам, статистикада ҳисобга олинишини таъминлашимиз лозим. Шундай қилиб, оммавий тест ўтказиш муаммоси ҳали ҳал қилинмаган. Шундай қилиб, умуман олганда касалланишлар сони ортиб бормоқда», — деган Мишель Яо.
Унинг сўзларига кўра, дастлаб инфекция йўқлиги ёки фақат бир неча касалланиш ҳолати қайд этилгани айтилган Марказий Африка республикаси ва Мавритания сингари мамлакатларда айни пайтда касалланишлар сони ортиб бормоқда. Агар вирус соғлиқни сақлаш даражаси паст бўлган қишлоқ жойларига кириб борса, вазият янада хавфли тус олади.
Изоҳ (0)