Саҳарликка туркча бейти кабоб пиширамиз

Турк ошхонасининг машҳур таомларидан бири бўлган бейти кабоб дастурхонингизга кўрк беришига шубҳа йўқ.

Таом учун қуйидаги маҳсулотлар керак бўлади:

• қийма — 150 гр;
• тухум — 2 дона;
• юпқа хамир (қат-қат сомсаники сингари) ёки лаваш;
• қуритилган қалампир кукуни — 1 чой қошиқ;
• помидор — 2 дона;
• сариёғ — 1 чой қошиқ;
• ўсимлик ёғи.

Тайёрланиш жараёни:

• Хамирни юпқа қилиб ёйиб ўртасидан кесинг, устига ёғ​ суртинг

«Начинка» тайёрлаб олинг:

• Қиймага майда тўғралган пиёз, саримсоқ пиёз, тухум, туз ва мурч қўшинг.
• Тайёр қиймаларни кабоб шаклига келтириб, 180 даража қизиган печга 30 дақиқага қўйинг.
• Тайёр кабобларни хамирга қўйиб рулет шаклида ўранг.
• Яна 10 дақиқага печга қўйинг.
• Бу вақтда қайла тайёрлаб олинг. Бунинг учун қирғичдан чиқарилган помидорни товага солиб, устидан томат пастаси, сариёғ ва ўсимлик ёғи солиб аралаштиринг.
• Қайлани 2-3 дақиқа димланг.
• Хамирга ўралиб пишган кабобларни суратдагидек кесиб ликопчага теринг, устидан қайла қуйинг.
• Ликопча ўртасига сузма қўйинг.
• Бейти кабобни қовурилган картошка ҳамда енгил салат билан безаш мумкин.

Ёқимли иштаҳа!