Тожикистон парламентининг қуйи палатаси «Фуқаролик ҳолатини далолатномаларга қайд этиш тўғрисидаги қонунга ўзгартиришлар киритиш» ҳақидаги ҳужжатни қабул қилди, унга кўра фуқароларга фамилия ва отасининг исмида славянча қўшимчалардан фойдаланиш тақиқланди. Ҳужжатга мувофиқ янги туғилган чақалоқларни рўйхатга олишда фамилияларда «-ов/-ев», отасининг исмида эса «-ович/-евич» ва «-овна-/-евна» қўшимчаларидан фойдаланилмайди.
«Бу борадаги истисно ҳолатлар мамлакатда яшаётган бошқа миллат вакилларининг қатламига нисбатан қўлланилади, уларга фамилия ва отанинг исмини қайд этишда эркин тарзда қўшимча танлаш ҳуқуқи берилган»,— деган депутатлар олдида маъруза қилган Тожикистон адлия вазири Музаффар Ашуриён.
Шунингдек, у ушбу ўзгариш қонун имзоланганидан кейин туғилган чақалоқларга тааллуқли эканини ҳам қайд этди. Вазирнинг айтишича, ҳукумат таклиф этган ўзгартишлар миллий исм-шарифларнинг қайта туғилишга замин ҳозирлайди.
Аввал фамилия ва отасининг исмидаги славянча қўшимчалардан воз кечиш тавсиявий характерга эга ҳисобланарди.
Эслатиб ўтамиз, Тожикистон президенти Эмомали Раҳмон 2007 йилда Раҳмонов фамилиясидан «-ов»ни олиб ташлаган, шундан кейин мамлакатдаги амалдорларнинг аксарияти унинг ортидан бориб, славянча қўшимчалардан воз кечганди.
Изоҳ (0)