АҚШ федерал захира тизими (ФЗТ) 28—29 апрель кунлари ўтказилган йиғилиш якунларига кўра йиллик 0-0,25 фоизлик база ставкасини сақлаб қолди. Ушбу қарор кўплаб таҳлилчиларнинг прогнозларига мутаносиб келган. Бу ҳақда ташкилот расмий хабарида маълумот берилган.
ФЗТ база ставкасини март ойида икки марта режадан ташқари йиллик 0-0,25 фоизга туширганидан кейин ҳам сақлаб қолди. Аввал ставка ушбу даражада 2008 йил декабридан 2015 йил декабрига қадар сақланиб турган. ФЗТ коронавирус пандемияси сабаб юзага келган иқтисодий оқибатларга қарши жавоб тарзида ставкаларни туширишга қарор қилганди.
«Коронавирус эпидемияси бутун дунёда ва АҚШда оғир иқтисодий оқибатларга сабаб бўлди. Вирусга қарши ва одамларни ундан ҳимоя қилиш мақсадида амалга оширилаётган тадбирлар иқтисодий фаолликнинг кескин тушиб кетишига олиб келди», – дейилади ФЗТ хабарида.
АҚШда коронавирус ҳамда нефть нархининг кескин қулашига қарамай, инфляция паст талабга эга, дейилади ташкилот пресс-релизида.
Мавзуга доир:
Монетар сиёсатнинг кейинги йўналишларида кўплаб омиллар, хусусан, бозор ҳолати, инфляция кутилмаси ва халқаро вазиятлар ҳисобга олинади.
ФЗТ ипотека ва ғазначилик қоғозларини сотиб олишда давом этади, ушбу жараён бозорни қўллаб-қувватлашда муҳим, дейилган хабарда.
Изоҳ (0)