АҚШ вице-президенти Майкл Пенс 28 апрель, сешанба куни, Миннесота штатидаги шифохонага ташрифи чоғида шифохона талабларига зид равишда коронавирусдан ҳимоя қилиш учун ниқоб тақишни хоҳламади. Бу ҳақда CNN хабар бермоқда.
Нега ёнидаги ҳамроҳларидан фарқли равишда ниқобдан фойдалишни хоҳламаганини сўраган журналистларнинг саволига Майкл Пенс коронавирусга чалинмаганман, дея жавоб берган.
VP Pence does not wear a mask during Tuesday’s visit to the Mayo Clinic, which is requiring all patients and visitors to wear a face covering or mask in effort to slow the spread of coronavirus. pic.twitter.com/qIddFN9UTW
— NBC News (@NBCNews) April 28, 2020
«АҚШ вице-президенти сифатида мен доимий равишда коронавирус текширувидан ўтаман, атрофимдаги одамлар ҳам худди шундай қилишади. АҚШ Касалликларни назорат қилиш ва профилактика марказлари ниқоблар бўйича тавсиялар бераётганда, коронавирус ташувчилари шундай йўл билан вирусни бошқа одамларга юқишининг олдини олишини тасдиқлади», — дея унинг сўзларини келтирган CNN.
Аввалроқ Дональд Трамп аҳолига ниқоб тақишни тавсия қилди, лекин ўзи бу тавсияга амал қилмаслигини айтганди. «Бу шунчаки тавсия. Ўзимни яхши ҳис қиляпман. Шунчаки бу ишни қилишни истамайман. Кабинетда буюк ‘Резолют’ столи қаршисида ниқоб таққан ҳолда ўтириб, президентлар, бош вазирлар, диктаторлар, қирол ва қироличаларни қабул қилиш… Билмадим, бу мен учун эмас», — деганди АҚШ президенти.
Изоҳ (0)