АҚШ президенти Дональд Трамп гўшт ишлаб чиқариш ва қайта ишлаш заводлари мавқейини мудофаа корхоналарига тенглаштирувчи қарорни имзолаб, уларнинг COVID-19 пандемияси шароитида ҳам ишлашини таъминловчи имкониятни тақдим этди. Бу ҳақда Оқ уйга таяниб, «РИА Новости» хабар берди.
Аввалроқ соҳанинг йирик вакиллари коронавирус пандемияси сабаб ёпилишга мажбур бўлаётгани, бу эса АҚШда гўшт тақчиллигига олиб келишини маълум қилганди.
«Мол гўшти, қўй гўшти, чўчқа ва парранда гўштларини етказиб берувчилар бир бўлиб ишлаб чиқаришни давом эттириши ва америкаликларни оқсиллар билан таъминлаш бўйича буюртмаларни бажариши муҳим аҳамиятга эга», — дейилади қарор матнида.
Сўнгги вақтларда АҚШда маҳаллий ҳукумат босими остида чўчқа гўштини етказиб берувчи етакчи компаниялардан бири Smithfield Foods Иллинойсдаги фабрикасини ёпишга мажбур бўлди. Hormel Foods эса Миннесотадаги курка гўштини ишлаб чиқарувчи иккита заводини ёпди. Индианада эса чўчқаларнинг йирик кушхонаси ёпилди.
АҚШда гўштнинг улгуржи нархи кўтарилмоқда. Мол гўшти ва чўчқа гўштининг нархи рекорд кўрсаткичларни қайд этган, хусусан, чўчқа гўшти бир ҳафта давомида қарийб 30 фоизга қимматлашди.
Сўнгги маълумотларга кўра, АҚШда COVID-19 коронавирусига чалинганларнинг умумий сони бир миллион нафардан ошиб кетган, вафот этганлар сони эса 210 минг нафарни ташкил қилмоқда.
Изоҳ (0)