Самарқанд ва Сурхондарё вилоятларида 7 нафардан, Бухоро ва Андижон вилоятларида эса 5 нафардан жами 24 нафар коронавирус инфекциясига чалинган бемор тўлиқ соғайди. Бу ҳақда Соғлиқни сақлаш вазирлиги хабар берди.
Хабарга кўра, улар вилоятлар соғлиқни сақлаш бошқармалари масъуллари иштирокида реабилитацияга кузатилган.
Шу тариқа 26 апрель 21:00 ҳолатига кўра, кун давомида 82 нафар беморнинг коронавирусдан тузалгани маълум қилинган ва Ўзбекистонда COVID-19’дан фориғ бўлганлар 789 нафарни ташкил этмоқда. Аввал Ўзбекистонда 58 киши коронавирусдан соғайгани ва инфекциядан тузалганларнинг сони 765 нафарга етгани хабар қилинганди.
Ўзбекистонда 15 мартдан буён коронавирусга чалинган беморларнинг саккиз нафари вафот этган, хорижда 73 ўзбекистонликда коронавирус аниқланган (инфекция юқтириб олганларнинг энг кўп қисми — 42 нафари Россияда), уларнинг тўрт нафари ҳаётдан кўз юмган. 26 апрель 18:00 ҳолатига кўра, коронавирус инфекциясини юқтириб олганлар сони 1869 нафарни ташкил қилган.
Изоҳ (0)