Президент қарори билан 24 апрель, жума куни, Беҳзод Норматов Ўзбекистон энергетика вазирининг ўринбосари лавозимига тайинланди. Бу ҳақда вазирлик ахборот хизмати хабар берди.
Беҳзод Норматов бунга қадар Энергетика вазирлигининг Геология, нефть ва газ қазиб чиқариш бошқармаси бошлиғи лавозимида ишлаб келаётган эди. Унгача «Андижоннефть» АЖ бошқаруви раиси лавозимида ишлаган.
Қайд этилишича, аввалроқ ушбу лавозимда ишлаб келган Умиджон Исроилов бошқа ишга ўтганлиги сабабли лавозимидан озод этилган.
Ўзбекистон Энергетика вазирлиги Президентнинг 1 февраль кунги қарори билан ташкил этилган.
Изоҳ (0)