Ўзбекистонда электрон рақамли имзо (ЭРИ) калитини масофадан туриб олиш механизми жорий этилиши ҳақида хабар берилганди. Давлат солиқ қўмитасининг маълум қилишича, ушбу янгилик амалиётга татбиқ этилган бўлиб, эндиликда сертификатнинг ўзини ҳам масофадан туриб олиш мумкин.
Таъкидланишича, ЭРИ калит ва сертификатларни жисмоний ҳамда юридик шахсларга «e-imzo.uz» орқали бериш механизми жорий этилган.
Давлат хизматлари агентлиги оператори қуйидагиларни текширади:
- аризада кўрсатилган мобил телефон рақамининг аризачига тегишлилиги;
- ариза берувчининг паспорти нусхасидаги маълумотлар ва паспортнинг олд томонини ушлаб селфи кўринишида туширилган суратнинг ҳақиқийлигини;
- аризачининг қўмита тизимидаги СТИР бўйича маълумотларини.
Акс ҳолда сертификат беришда рад этилиши мумкин. Аризачи камчиликларни бартараф этиб қайтадан яна ариза бера олади.
ЭРИ сертификат олиш бўйича тўлиқ инструкция билан қуйидаги ҳавола орқали танишиш мумкин.
Изоҳ (0)