Тошкент вилоятида карантин даврида доимий ишлаётган деҳқон бозорлари рўйхати эълон қилинди

Айни кунларда Тошкент вилоятида 20 га яқин доимий деҳқон бозорлари ва 10 дан ортиқ йирик савдо мажмуалари мунтазам фаолият кўрсатмоқда. Бундан ташқари, карантин даврида аҳолига қулайлик яратиш мақсадида вилоятнинг барча шаҳар, туманларида кўчма бозорлар ҳам ташкил этилган.

Тошкент вилояти ИИББ мунтазам фаолият юритаётган деҳқон бозорлари ва савдо нуқталарини яна бир бор рўйхат асосида эслатиб ўтди.

• «Ангрен деҳқон бозори»
• «Чирчиқ деҳқон бозори»
• «Олмалиқ деҳқон бозор»
• «Нурафшон деҳқон бозори»
• «Оҳангарон деҳқон бозори»
• «Янгийўл деҳқон бозори»
• «Бекобод деҳқон бозори»
• «Чиноз деҳқон бозори»
• «Паркент деҳқон бозори»
• «Кўктерак деҳқон бозори»
• «Бўка деҳқон бозор»
• «Юқори Чирчиқ деҳқон бозор»
• «Бўстонлиқ деҳқон бозор»
• «Оққўрғон деҳқон бозор»
• «Пискент деҳқон бозор»

Қайд этилишича, «Қуйи Чирчиқ деҳқон бозор»лари мунтазам белгиланган вақт бўйича ўз фаолиятини амалга ошираётган бўлса, Бекобод, Ўрта Чирчиқ, Оҳангарон, Қибрай, Зангиота ва Янгийўл туманларида доимий кўчма бозорлар ва савдо ярмаркалари ташкил этилган. Бундан ташқари, йирик савдо мажмуалари (Makro, Korzinka, супер, гипер ва мини маркетлар) ва озиқ-овқат дўконлари ишлаб турибди, улар учун ҳозирча ҳеч қандай чеклов йўқ.Тошкент вилояти ИИББ фуқаролардан карантин қоидаларига қатъий амал қилиб, зарурий озиқ-овқат, дори-дармон, тиббий буюм ва воситаларни ўзлари яшаб турган ҳудуддаги энг яқин бозор ёки савдо мажмуалари, кўчма бозорлар ва дорихоналарга ҳар бир оиладан бир аъзо чиқишини сўради.

Шунингдек, эпидемияга қарши кураш қоидаларини бузиш 11 миллион 150 минг сўмгача миқдорда жаримага тортилишга, шунингдек, 10 йилгача озодликдан маҳрум қилишга сабаб бўлишини эслатиб ўтди.